Un equipo de guionistas –tres mulleres e dous homes– recibe
a encarga de escribir os guións dunha futura serie de televisión que se chamará As
fronteiras do medo. Para concentrarse no traballo, acordan recluírse nun
hostal solitario, nas terras da Fonsagrada, na zona montañosa de Lugo. É
inverno, no hostal só viven o matrimonio que o rexenta e mais outros tres
hóspedes.
Ao terceiro día da súa chegada, comeza a nevar. É unha
tormenta que semella non rematar nunca, que interrompe as comunicacións e o
fluído eléctrico e que os deixa illados do mundo. Mentres traballan nas
historias da serie irán descubrindo que naquel hostal ninguén é quen aparenta
ser e que un medo irrefreable comeza a filtrarse nas súas vidas.
A neve interminable é unha novela onde o
misterio ocupa un lugar central. Nela explóranse os medos esenciais que
acompañan ao ser humano desde o principio dos tempos e tamén aqueloutros
orixinados pola desorde mundial deste século XXI.
No hay comentarios:
Publicar un comentario